◎9月8日◎
約左 bonny 在烏溪沙影水水，由於魚魚一早去左土瓜灣做野，
之後我同佢一齊坐巴士去馬鞍山，食完野魚魚就開始幫 bonny 化妝。
今次係第二次影 bonny，同上次相比，好像瘦了，著起泳衣顯得好 fit，
另外原本不好天，幸好臨時出太陽，好天又夠光變得容易影d，唯一日落冇咁靚。
 

◎9月2日◎
一早起身已經不好天加上有些雨，晏d仲要去外影婚紗，好唔樂觀，
好彩化完妝冇落雨如常地影，外影婚紗的確好難，我影到爆晒~慘

◎9月1日◎
去左機場影相，model 遲到也不在狀態中，都不知本身是這樣或是唔夠訓既關係？
影完都仲未有衝動執佢既相。

    
◎8月31日◎
祝魚魚生日快樂~!!
開開心心~
身體健康~
事事順利~

◎8月30日◎
一早起身預備d野去海洋公園，呢日係魚魚生日既前一日，
佢每年生日都會去一次，今年我同 yin 都有幸陪佢去玩一日，開心~
我地去到就週圍行、熱到死果陣就扮去睇精品，其實想嘆下泠氣~哈哈
另外我地有玩攤位遊戲，yin 中獎，有隻熊貓公仔，
當然係送俾魚魚啦，唉~我就 WIN 唔到... T^T...玩到六點幾就走了。 

之後去左飲藥再去聽俊俊表演小提琴，都唔錯，老師仲讚佢手勢好又夠柔軟，
真係 O力O力~

◎8月29日◎
夜晚芝芝約左我去屯門黃金海岸燒野食，同行仲有娘娘 & 佢 bf，
估唔到個景咁靚，忍唔住要影番幾張。
結果我冇燒野食，因為食唔到果d野，叫左晚餐食，睇住佢地係咁燒，
出晒汗，好彩我冇燒...呵呵~
之後去左沙灘影左好多相，佢地玩到好癲，笑死我了~

◎8月28日◎
Studio3 EVENT
終於有得影 celia 啦，雖然偷影左少少，但已經夠了... 
 
 

◎8月24日◎
去左電腦展影相，又好多人，又要同人鬥爭位真辛苦，
不過就見番以前影過既 model，有d仲記得我，太好了~
有個 model 就因為之前冇 join 佢既活動，
而果次活動我唔係唔想去，係身體不適至去唔到，
我不想的，完全不理我感受，在 msn hi 佢都冇反應，
到了在電腦展場內影佢時，完全唔望鏡頭，洗唔洗攪成咁呀，
唉~失望~

我最終影左600張，原本應該仲多d，因為身體捱不到咁耐，
都係要走了~慘~

◎8月22日◎
在 Studio3 影相，model 係清雯，好耐冇影佢了，
但就冇乜起勁了，唔知係唔係身體不佳既關係？！
 

 
◎8月18日◎
約左舊公司﹝荷花﹞的同事，首先去左旺角某 cafe 飲o野吹水，
順便試新手機無線上網，都唔差wor，可以接受，
之後在附近去左打牌，好耐冇打了，同以前一樣都係輸錢~哈哈
不過唔緊要啦，同佢地一齊玩冇所謂啦~
結果打到九點幾，好肚餓，我地就去左酒樓食飯，
多謝佢地~知我還未好，叫d 冇咁油膩的，但都食得有點辛苦，
好慘~好唔番~食飽後就各散東西。
多謝 昭哥、louis & fanny 補足我生日，俾我吃喝玩樂的一天。
 

 
◎8月16日◎
過了一個一點也不開心的生日~

◎8月15日◎
一班大c 在影樓試新場景，我偷影左~哈哈
Model Sayuri 好耐冇見她，但她還記得我，好開心~